"Күшіміз бірлікте" Халықтар достығы фестивалі өтті

Қазақстан халықтарының бірлігі күні – Қазақстанда жыл сайын тойланатын мереке. Берекені көздеген ел мерекелі тірлік жасаудан жалықпаған.  «Береке бастауы бірлік, ел іші тату тірлік» қағидасын ұстанған ел үшін бұл мерекенің орны ерекше.Жыл сайын атаулы мерекеге Қазақстан аумағында тұрып жатқан 130-дан астам ұлт пен ұлыс өкілдері киелі шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды. 
№160 ЖББМ  20-да астам ұлт өкілдері үшін - білім шаңырағы болып отырған мектеп. Сондықтан бұл мерекенің біздің мектеп үшін орны ерекше. Бұл күні дәстүрлі түрде "Халықтар достығы" фестивалі өтеді. Бұл жолы да дәстүрден ауытқымай, 1-11-сынып оқушылары  әр түрлі мәдени орталық түрінде ұйымдастырып, көрме өткізіп, әр ұлттың мәдениетін көрсетті.