Патриоттық тәрбие беру ісі

Мамыр айы атаулы даталарға толы. 1 мамыр - Қазақстан халықтарының достығы күні, 7 мамыр - Отан қорғаушылар күні, 9 мамыр - Жеңіс күні тойланатыны белгілі. Бұл атаулы күндерде мектептің тәрбие жұмысы Қазақстандық патриотизмге, отансүйгіштікті дамытуға бағытталып, жоспарға сай өткізіледі.

Осы орайда Алатау ауданы ардагерлер кеңесінің мүшесі Аширбеков Сағымбек, Қарасу ықшамауданы Ардагерлер кеңесінің төрағасы Нарбаев Азат №160 ЖББМ патриоттық тәрбиеге байланысты жүргізіліп жатқан жұмыстармен танысып, өзінің ақыл-кеңесін айтты. Ұзақ жылдар мектепте мұғалімдік, басшылық қызметте болған Сағымбек Әшірбекұлымен бүгінгі жас ұрпақты тәрбиелеудегі мұғалімнің рөлі, үлкен буынның үлесі, ақсақалдар кеңесінің қосар салмағы туралы толымды әңгіме өрбітілді.