"Республикалық референдум туралы не білуіңіз керек?"

Еліміздің болашағына алаңдар азамат пен жауапкершілікті арқалар тұлға тәрбиелеу - мектеп тәрбие жұмысының басты міндеті. Бүгінгі заманға сай икемді, қоғамдық сана мен азаматтық ой-өрісі дамыған, азаматтық көзқарасын бүкпей көрсетіп, белсене ел игілігі үшін қызмет ететін адам тәрбиелеу күн тәртібінде өзекті мәселе болып қаралады. Осы орайда оқушылардың құқықтық сауаттылығын жастайынан арттырып, жетілдіріп отыру маңызды. 16 сәуір күні 8-11-сыныптар  оқушылары үшін "Республикалық референдум туралы не білуіңіз керек?" тақырыбында сынып сағаты өтті. Жоғары сынып оқушылары ел өмірі үшін аса маңызды болып саналатын, Конституциялық мәртебесі аса жоғары Референдум туралы білім алып, өзара әңгіме-сұрақтар арқылы көкжиектерін кеңейтті.