Тілдер мерекесіне арналған іс-шара өткізілді

«Қазақстан Республикасында мереке күндер тізбесін бекіту туралы» №689 ҚР Үкіметінің қаулысына сәйкес Қазақстан Халқы тілдері күні 5 қыркүйекте тойланатын болды. Тіл мерекесінің 5 қыркүйек болып белгіленуінің де өзіндік себебі бар. Бұл күн - "Ұлттың сақталуына да, жоғалуына да себеп болатын нәрсенің қуаттысы - тіл" деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні.

Осы айтулы мерекеге орай, мектебімізде Тілдер апталығының ашылу салтанаты өтті. Жауапты ағылшын тілі мұғалімдерінің әдістемелік бірлестігі интерактивті іс-шара түрінде ұйымдастырып, 5-6-сынып оқушылары арасында викторина жүргізді.