Мәдениеттің мәйегі - кітап

"Кітап - асыл қазына", сан ғасырлық адам мәдениетінің жемісі, ұлғатты, ақыл-даналықтың таусылмас кені. Кітап таңдап оқи білу, талғап оқи білу - мәдениеттілік пен білімділіктің көрінісі. Бұл орайда оқушыларға кітап оқуды әдетке айналдырып, жақсы қасиетті дарыту үшін жақсы ұстаз, жақсы жолдас, жақсы жетекші болғаны абзал. 

Біздің кішкентай оқушыларымыз, "кішіге -қамқор, үлкенге - ізет" жолымен әрқашан айналасындағы адамдарға үлгі болуға ұмтылады. Солардың бірі - 4 "В" сынып оқушысы Казиев Биаслан "Оқуға құштар мектеп - оқуға құштар ұлт" республикалық жобасы аясында, сынып жетекшісі Себекова Фарида Ешмұхамбетованың бастамасымен "Бөлісе оқиық" акциясын ұйымдастырды. №177 бөбекжай-балабақша тәрбиеленушілеріне Биаслан өзінің жеке кітапханасынан ертегілер жинағын, энциклопедиялар топтамасын сыйлады. 

Биасланның ісі басқа да оқушыларымызға үлгі болады деп сенеміз. "Ізгіліктің бастауы ниетте" дегендей кішкене ниеттен үлкен істер туатынын ұмытпайық.