Тағы бір жеңіс!

Қазақстан Республикасы Оқу-ағарту министрлігі, Республикалық қосымша білім беру оқу-әдістемелік орталығы ұйымдастыруымен Тәуелсіздік күніне арнап "Мен-репортермін" республикалық байқауы, "Жетістік портфолиосы" мектеп парламенті мүшелері арасындағы республикалық байқауы ұйымдастырылды. 

Байқауға республиканың түкпір-түкпірінен 100-ден астам оқушылар қатысты. "Мен - репортермін" байқауында "Менің мекенім" тақырыбында видео, фото репортаждар жасаса, "Жетістік портфолиосы" байқауында мектептегі өзін-өзі басқару көшбасшылары атқарған жұмыс тәжірибелерімен бөлісіп, эссе жазып, презентациялық жоба жасады. 

Бұл байқауға біздің мектебіздің 10-сынып оқушылары Мухаметалиева Камилла мен Дереев Кирилл қатысып, жүлделі 3-орынға ие болды. Ал жетекшілері Алғысхаттармен марапатталды. Жеңімпаз оқушыларды жеңісімен құттықтаймыз, сәттілік тілейміз!